Fransiyede Oqughan Az Sanliq Millet Dokturliri

[Hijran]

Kirish söz:
Bir küni men Dokturluqta oquwatqan birsining öyige uni ziyaret qilip bérip uningdin: "Aman turamsiz? Oqushungiz nedin negiche boliwatidu?" dep soridum. U xélighiche jim-jit turup ketkendin kéyin manga: "Xudagha shükri! bilemsiz?! Méning hem sizning yurtumizda bir obdan illiq ailimiz, omaq perzentlirimiz bar idi, biraq mushu oqushni dep hemmimiz bu jayda tul yüriwatimiz, erlermu tul, ayallarmu tul..." dep jawap berdi. Derweqe uning éytiwatqanliri rast idi, tuyuqsizla ichimni xuddi bir nerse ghajilawatqandek bolup kettim. U ishning bolup otkinige xéli yillar boldi, biraq nurghun kishiler yenila shu "Tulluq" salahitini saqlap oqushning axirqi noxtisigha yétip bérish üchün u uzun yillarni kéchini kündüzge ulap ötküzdi. Shunga bügün kallamgha ene shu Dokturlar heqqide azraq bir nerse yézish istigi peyda bolghan idi.
Bir chaghlarda ashu kishilerning zör köpchilikige oxshash menmu Fransos tilini Beijingda ügengen idim. Anglashlargha qarighanda Shinjang din bérip "2-Qarar" digen nam bilen Beijing Til-Medeniyet Üniversititi (Hazir bu mektepning ismi Beijing Til Üniversititigha özgertildi) de Fransosche ügengen bir sinip oqoghuchi boptiken (Ularning Beijingda Til ügengen waqti: 1996-1997). Bu balilardin qaysi biri Fransosche sözligidek bolsa, ularning chirayliq sözligen Fransoschisidin heyran qalghan her qandaq bir kishi derrula ulardin: "Siz Fransiyede qanche uzun turghan?" dep soraydikenmish. Shu zamanlarda ashu sinip oqoghuchiliri özi teyyarlap özi oynap chiqqan Fransiye nomurliri (bularning ichide shé'ir diklamatsiye qilish, Fransosche naxsha éytish, Fansosche komidiye, Fransiye örüp aditi-mediniyitige ayit bashqa nomurlar bar idi) Beijing Üniversititining chong zalidiki nechche ming tamashibinning güldiras alqishigha sewep bolghan.
Méning bu yerde sizge éytip bermekchi bolghinimning köp qismi del kiyinki künlerde Fransiyede Dokturluqqa érishken ene shu kishilerning hékayisi. Bu kishiler toghurluq qolumde tepsili matiryallar bolmighanliqtin men yazmaqchi bolghan nersemni en-eniwiy edebiy xatire usulidin özemni chetke élip turup addiy tillar bilen bilidighanlirimnila yazdim. Gerche bulardin bezilirining femilisini bilmisemmu, buning ziyini yoq elwette, bizde "At tapqiche éshek min!" deydighan gep bar emesmu?!
Méning yazghanlirimning sirtida qalghan yene nurghun kishilerning barliqidin xewirim bar, biraq u kishilerning ismini demalliqqa ésimge alalmighachqa bu maqalining axirini dawamlashturushni hazir Fransiyede Dokturluqta oquwatqan hörmetke sazawer Waris Abdukerim JANBAZ ependige hawale qilimen.

- Hijran

Perhat:

Fransos tili jehette hemmimizge moysipit hésaplinidu. U kishi Fransoschini 80-yilliridila XI'AN de ügengen, anglashlargha qarighanda "Sayahet Yétekchiliri" din élinidighan Fransos Tili imtahanining éghizchisini shu kishi alidiken. U kishining Fransiyege kélip oqughan waxtimu bashqilardin xéli burun bashlanghan. Perhat 90-yillarda Fransiyede "Farmakologiye" ilmide dokturluqta oqup oqushini nahayiyi muwapiqiyetlik tamamlighandin kéyin ilgiri özi ishligen Shinjang Tibbiy Üniversitige qaytip bérip xizmet qilghan. Perhat gerche Fransiyede dokturluqta eng burun oqughanlarning biri hésaplansimu uningdin Fransiyediki oqush heqqide "Meyli qandaq qiyinqiliqqa yoluqma, hergiz bel qoyuwetme! " digen bir jümle sözdin bashqa hech nerse qalmighan. Perhat hazir Shinjang Tibbiy Üniversititining Professori, Doktur yétekqisi, Shinjang Tibbiy Üniversititi Aspirantlar Bashqarmisining Bashqarma Bashliqi. Uning ayali Muhebbet mu tibbiy sahade közge körüngen doxturlarning biri bolup Shinjang Tibbiy Üniversitige qarashliq 1-Doxturxanida ishleydu.

Amine:

Fransos Tilini men yuqurda eytip öken Beijing diki "2-Qarar"da oqughan. Fransiyege kélishning aldida Shinjang Pidagokika Üniversititi Tarix Fakoltitining Mudiri bolghan. Amine Uyghur Xelqining dangliq tilshunasi Ibrayim MUTII ependining kélin qizi. Aminening yoldishi Türgün ependimu uqumushluq kishi bolup eyni yillarda Rosiyede oqughan, hazir Shinjang Üniversitidiki talantliq rehber, közge körungen kompiyotér mutexesislirining biri. Ularning 15-16 yashlargha kirip qalghan bir qizi bolup Amine oqush bilen bolghan mushu yillarda u qiz dadisining hémayiside chong boldi. Amine hazir Parij da "Tarix" penliridin dokturluqta oquwatidu, oqushi pat yéqinda pütidu.

Zébibulla:

Fransiyege kélishtin ilgiri Shinjang Üniversititi Tebiy Jughrapiye Fakultitining oqutquchisi bolghan. Fransos tilini Beijing diki "1-Qarar" sinipta oqughan bolup, iradilik, tirishchan kishi. U Fransiyediki "Tebiy Jughrapiye" din oqughan dokturluq oqushini bir nechche yilning aldida ghelbilik tamamlap özi ilgiri xizmet qilghan Shinjang Üniversititige qaytip bérip shu jayda ishlewatidu.

Bahargül ZIYAWUDUN:

Bahargül Zébibullaning Shinjang Üniversititida bir sinipta oqughan sawaqdishi. U aliy mektepni püttürgen kéyin Shinjang Pidagokika Üniversititining Jughrapiye Fakultitida oqutquchi bolghan. Fransos tilini Beijingdiki Shinjang sinipning "4-Qarar" ida oqughan. U hazir parijda dokturluqta oquwatidu, uning yoldishi Shöhretmu uqumushluq ziyali bolup umu Fransiyege kélishtin ilgiri Shinjang Pidagogika Üniversititining oqutquchisi idi. Bahargül Fransiyege kelgendin kéyin ikki balisi bilen yoldishinimu Fransiyege élip keldi. Ular hazir bir aile kishiliri hemmisila Parijda oquwatidu. Bahargül japagha chidamliq, hérip-qarqashni bilmeydighen jéni tömür ayal. bir chaghda men uning : "Méni bilim igellesh üchün chöl-jezirige apirwetsimu zérikmeyittim!" diginini anglighan idim, bu heqiqetenmu shundaq ish.

Aqa-Singil Dokturlar-Ixpal bilen Méhray:

Bu bir jüp acha-singillarning aqisining ismi Ixbal bolup Beijingdiki dangliq "2-Qarar" ning tirishchan oqughuchisi bolghan. Eytishlargha qarigha bu dangliq "2-Qarar" dikiler shenbe-yekshenbe küni kütüpxanidin ügünüsh qilidighan örün igellesh üchün kütüpxanini aqmastin kütüpxana derwazisi aldida öchret saqlaydikenduq. Ixbalmu men yuqurda éytip ötüp ketken Aminege oxshashla öchiret saqlaydighanlarning biri idi. U aliy mektepni Shinjang Tibbiy Üniversititida oqup püttürgendin kéyin Tibbiy Üniversitige qarashliq 3-doxturxanigha xizmetke chiqqan (Ösme késellikler doxturxanisi), kéyin Fransiyege kélip oqup öz kespide dokturluqni oqup tamamlighandin kéyin hazir Beijingdiki bir tetqiqat ornining gholluq adimi bolup ishlewatidu. U Fransiyede oquwatqan mezgilde, özige oxshashla Shinjang Tibbiy Universititida oqup kéyin Ösme Késellikler Doxturxanisigha xizmetke chiqqan singlisi Méhrayni Fransiyege élip kelgen idi. Mihraymu nöwette öz kespidin dokturluqta oquwatidu. Oqushi pat yéqinda tügeydu. Méhray aldinqi yili Ürümchige bérip Fransiyede tonushqan Fransos yigiti bilen Ürümchide toy qilip keldi. Ular hazir Parij da yashawatidu.

Er-ayal dokturlar-Tursunjan TOQAY bilen uning ayali Asiye:

Bu bir jüper-ayal dokturlar aliy mektepni Shinjang Tibbiy Üniversititida bir sinipta sawaqdash oqup püttürgendin keyin her ikkisi Shinjang Tibbiy Üniversititigha oqutquchuluqqa qép qalghan. Bu ikkisining Milliti Qazaq bolup Uyghur tili, Uyghur mediniyiti, Uyghurlarning örpi-aditi digenlerni Uyghurlardinmu yaxshi bilidu. Tursunjan Fransos Tilini Beijingdiki dangliq "2-Qarar" da oqughan. Bezilerning éytishiche u Fransosche tili ügüniwatqan chaghlarda üstel chirighini yotqanning ichige ekirwélip kéchiche Fransosche yadlap qiqidikenduq. U Fansiyege 99-yili kelgen, uningdin kéyin u oqushuni taki dokturluqni tamamlighuche dawamlashturup oqup aldinqi yili oqush püttürgendin kéyin ilgiri özi oqutquchuluq qilghan Tibbiy Üniversititigha qaytip bérip ishlewatidu. U Fransiyede oquwatqan mezgilde Fransiyege özi orunlushup bolghandin kéyin Tibbiy Üniversititida ishlewatqan ayali bilen oquwatqan qizini Fransiyege élip kélip bir ayile kishiliri jem bolup turup oqughan, axirida her ikkilisi dokturluq üniwanigha ériship Ürümchige qaytip keldi. Uning ayali Asiyemu Shinjang Tibbiy Üniversititi Dorigerlik Inistitotida oqutquchi.

Muxbul ABLIZ:

Fransos Tilini Beijingda ügengen. U eyni chaghda Beijingdiki "Shinjang 1-Qarar Fransos Tili Sinipi" ning elachi oqoghuchisi bolghan. Yurti Qeshqer Maralbéshidin. Aliy mektepni Shinjang Tibbiy Üniversititida oqup tügütüp shu mektepte oqutquchuluqqa qélip qalghan. Nahayiti tirishchan, qabiliyetlik, ishlarni aldin biliwalaydighan tolimu eqilliq kishi. Bézilerning éytishiche uning ismi u aliy mektepte oquwatqan chaghlarda " Mexbul" ikenduq, kéyin u ataqliq kompozitor Yasin MUXBUL ependige bekla choqinidighan bolghachqa ismini umu "Muxbul" gha özgertiwaptimish. Bu anche ishench qilghili bolmaydighan bir mish-mish gep xalas.
U Fransiyege tünji bolup 97-yilighu deymen kelgen, oqushini dawamlashturup oqughandin kéyin aldin yili özining kespi bolghan "Dora Xémiye" sidin dokturluqni püttürüp özi ilghiri xizmet qilghan Shinjang Tibbiy Üniversititining Dorigerlik Inistitotida xizmet qiliwatidu. Beziler uning kompiyotir qachilanghan yoghan bir somkini téqimighiche ésiwelip yurgen halitini Tibbiy Üniversitit qorasi ichida dayim körüp turarmish. Bumu bir ishench qilghili bolmaydighan mish-mish gep, bélkim u dayim mektep qorasida ésiwélip yürüydighan u somka kishiler mubalighe qilghandek unchiwala chongmu emestu. Ademlerni deymen, biri somka ésiwélip yürsimu uni bosh qoymay qalaymiqan geplerni tarqitip yürgen.

Enwer:

Umu Fransos Tilini Beijingdiki dangliq "2-Qarar" sinipta ügengen. U aliy mektepni Tursunjan, Asiyeler bilen bir sinipta oqup tamamlighandin kéyin oqush püttürüp umu Shinjang Tibbiy Üniversititige oqutquchuluqqa qélip qalghan. Fransiyege 98-yli kelgendin bashlap oqushuni izchil dawamlashturup özining "Farmakologiye" kespiy boyiche bolghan oqushuni taki "Doktur Ashti" ghiche dawamlashturup oqushni ghelbilik tamamlighandin kéyin umu ilghiri özi ishligen Shinjang Tibbiy Üniversitige qaytip bérip shu jayda xizmet qiliwatidu. Adette kem söz, emme öz ishigha nahayiti puxta kelgen tirishchan kishi.

Exmetjan TURSUN:

Umu Fransos Tilini Beijingdiki dangliq "2-Qarar" da ügengen. U 99-yli Fransiyege tünji kélip bir yil bilim ashurghandin kéyin qaytip kétip 2002-yili Fransiyege qayta kélip dokturluq oqushini bashlighan. U aliy mektepni Muxbul Abliz bilen bir sinipta Shinjang Tibbiy Üniversititida oqup mektep püttürgendin kéyin umu shu mektepning özige oqutquchuluqqa qép qalghan. U Yeken Nayisining Awat yézisida bir doxtur ayiliside dunyagha kelgen bolup, bashlanghuch we toqluqsiz otturalarni öz yézisida oqup tügetkendin kéyin, ailisining qeshqerge köchüp kélishi tüpeyli toluq otturni "Qeshqer Uyghur Toluq Ottura Mektep" te oqup tügütüp Shinjang Tibbiy Üniversititining Dorigerlik kespige qobul qilinip aliy mekteptiki oqushuni shu jayda tamamlighan. U tolimu kemsöz, tirishqan kishi. Uning kem sözlüki toghurluq mundaq geplermu bolghan, u bashlanghuchta oquwatqan chaghda mektep mudiri siniplarni arilap yürüp u oquwatqan sinipqa kirip uningdin "Isming nime?" dep soraptu, u kem söz bolghachqa qorunup turup digüdek "Exmetjan TURSUN!" dep jawap bériptudek, Uning bu halitini körgen mektep mudiri uninggha "Exmetjan TURSUN, gep qilip tursun!" digen iken. Bumu bir mish-mish gep. Anglashlargha qarighada u kishi Ürümchide neshir qildurghan "Haraq we Salametlik", "Dayim Qollunilidighan Imporit Dorilar Qollanmisi" deydighan 2 kitap barmish, uning bezi bir foto sür'et eserlirimu bir qisim gézit-zhornallarda élan qilinghanmish. Birsining éytishiche u Fransos tiligha pishshiq köp tereptin yétilgen bilimlik kishimish.

Mexpiret:

Beijingda Fransos Tilini Bahargül bilen sawaqdash oqughan, Bahargülning Shinjang Pidagogika Üniversititi Jughrapiye Fakoltitida bille ishleydighan xizmetdishi. Hérip-charchashni bilmeydighan nahayiti tirishchan ayal, u bir-ikki yildin béri fransiyediki dokturluq oqushuni dawamlashturup kéliwatidu. Mexpiretning 2 oghli bar, bu balilargha Shinjang Tibbiy Üniversititida ishleydighan aq köngül yoldishi Adiljan qaraydu. Uning yoldishi Adiljan magistirliq üniwanigha ige ixtidarliq doxtur.

Muyesser TOXTI:

Umu Fransos Tilini Beijingda ügengen, Shinjang Sen'et Inistitotining közge körüngen oqutquchisi, jamaetke tonush dangliq kino artisi. Yurti Xotendin, japa-mushaqet, hérip qarqashqa bash egmeydu. U aldinqi yili Fransiyede oquwatqan magistirliq (DEA) oqushuni ghelbilik tamamlighandin kéyin dokturluqqa tizimlitip kirip oquwatidu.

Waris Abdukerim JANBAZ:

Yurti Peyziwat Nahiyisining Janbaz Yézisidin bolghachqa özige Janbaz digen isimni Famile qilip qollanghan. Istiqbali bar tirishqan oghlan bolup Fransiyege kélishtin ilghiri Uyghur Kompiyotérchiliqi jehette alahide közge körüngen kishi idi. U 2002-yili Fransiyege kélip Fransiyediki oqushuni Fransos Tili ügünüshtin bashlighan, hazir Parij da dokturluqning 2-yilliqida oquwatidu. Biraq bu kishidin éhtiyat qilmisingiz bolmaydu, chünki uning özining sözi bilen éyitqanda nawada siz gheyri niyet bilen kompiyotér yumshaq ditalini yasisingiz yaki uni jazanixorluq qilip yuquri bahada heddidin ziyade qimmet satsingiz JANBAZ ependi derhalla uninggha qarshi yumshaq dital yasap chiqip uni bikargha tarqitip bolsimu sizning héligerlikingizge jawap béridu.

[Nazimi]

Essalamu eleykum Hijran ependi!

Aldi bilen mushu "Biliwal" din ibaret el qelbige yaqidighan tor bétide ehmiyetlik yollanmilarni yollap, bizni yéngidin-yéngi uchurlar bilen teminlewatqiningizgha minnetdarliqimni bildürüsh yüzisidin sizge öz namimdin we oqurmen dostlirim namidin chin qelbimdin teshekkürler éytimen harmighaysiz, qerindishim!!!

Bolupmu mezkur yollanmingizda biz bilmeydighan, helqimiz üchün ün-tinsiz tiriship oqup, pehirlik namlargha érishiwatqan wetendashlirimning ishliridin xewer tepip bekmu söyündim... Sizge we siz namini atap ötken barliq qerindashlirimgha alla ta'ala asanliq bersun! Izdinishliringlarning utuqluq, turmushunglarning menilik bolushini tileymen.

Aq saqalliq bolsimu bezi qollanghan söz- atalghular we isimlargha azraq qoshumche qilip qoyay, renjimigeysiz, maqulmu?

(1) Siz yazmingizda "tul" dégen sözni alahide tekitlep ketipsiz we bu sözni erlergimu ayallarghimu qollinipsiz. Biraq mening bilishimqe "tul" dégen söz adette ayal (qiz) zatigha qollinilidu, erkeklerge "boytaq" dep ishlitish lazim idi. muwapiq körsingiz özgertip qoysingiz...
(2) Siz yene mundaq yezipsiz: "Aminening yodishi Tügün ependimu uqumushluq kishi bolup eyni yillarda rosiyede oqughan..." Uyghurlarda "Tügün" dégen isim bolmighan belkim "Türgün" bolishi mumkin.
(3) Yazmingizning xeli köp jaylirida yer-jay nami we adam atlirining bash heripi kichik herpte yezilip qaptu, keyin diqqet qilarsiz.

Sizge amanliq tilep, tordash dostingiz Nazimidin.
_________________

********************************
Eger Ana tilim ete yoqilar bolsa,
Bügünla ölüshke razimen. (Rasul Hamzatov)

*********************************

[Hijran]

Hörmetlik NAZIMI,

Ehtiyatsizliq tüpeyli imlada bezi-bir xataliqlarni sadir qilghan ikenmen, uni tüzütüp qoydum. Manga bergen qimmetlik tekliwingizge köp rexmet. Emma qosh chékit ichige élinghan "tul" digen sözning menisining xuddi siz éyitqandek menadiki söz ikenlikini bilettim, biraq uni men bu yerde jorisi hayat, ular ottursidiki er-ayalliq munasiwet yenila mewjut bolup turuwatqan, peqet oqush üchünla özining söyümlük ayali yaki yoldishidin waqitliq ayrilghan, fransiyede yalghuz yashighan hem yashwatqan bu kishiler üchün men ipadilimekchi bolghan menani addiy hem tézraq yetküzüsh mexsidide "tul" digen bu sözning esli menisidin halqip ötüp uni qosh chékit ichige élip turup ishlettim.
Fransos tili noqtisidin alghanda fransosche "tul" digen söz melum sewepler tüpeylidin er-ayalliq munasiwettin mehrum qalghan kishilerni körsitidu. Elwette bu fransoschining ishi.
Men yénila qosh chékit ichige élinghan ene shu "tul" digen sözni bu jaygha ishlitish terepdaridimen.

Rexmet sizge!

Hijran

[Tumarim]

Esslam Hijran ependim!

Bugunki bu yazmingizdin Uyghur ichidin chiqqan oqumushluq kishiler bilen toniship qalduq .. Kop rehmet Sizge!
Yoqirida siz eytip otken kishiler ichide Ehmetjan Tursun ning "Haraq we Salametlik" kitawini oqighantim. tolimu yaxshi yezilghan kitap. emdi Sizdin sorimaqchi bolghinim. Shu kishining bezi foto soret eserlirining bir qisim gezit -zhornallarda elan qilghanliqini depsiz ... shu foto soretler qaysi jornallargha besilghandu... shu toghursida azraq uchur bergen bolsingiz tolimu xosh bolghan bolattim....
Yene bir qetim Rehmet Sizge!

Hormet bilen Tumarim
_________________

Kokley diseng Uyghurum ,Su bolaymu Yiltizmu?!
Chaqnay diseng Uyghurum ,Ay bolaymu Yultuzmu?!
*****************
http://tumarim.googlepages.com/

[Barlas]

Hörmetlik Hijran Ependi , Fransiyidiki Uyghur Doktorlar Toghrisida Yazghiningizda Ehmedjan Tursunni Untup Qalmighiningizgha Rehmet . Bu Kishi Heqiqeten Siz Melumat Bergendek ? Kem Söz ? , Emma U Ichkiy Dunyasi Intayin Mol Izgü Hés ? Tuyghulargha Tolup ?Tashqan Alim Süpet Insan . U CLLERMONTFERRAND Dégen Sheherge Barghan Ashu Künlerde PASCAL ning Yéqin Etrapidiki Bir Tagh Édirliqida Ösken Üch Tüp Berxut Derixining Yénida Sherqte Qalghan Wetinini Séghinip Munglinip Olturidiken .Dem Alghan Künliri Shu Teriqide Bir Mezgil Ötüptu , Shundaq Künlerning Biride Aqsachliq Bir Kishi Ashu Derex Tüwige Kélidighan Boptu , U Kishi Bir Küni Ehmedjan?gha Salam Bérip Gep Téship :
___ Siz Nedin Keldingiz ? ___ Dep Sorighanda Hayajénini Basalmay Qalghan Ehmedjan :
___ Quyashni Tunji Bolup Kütuwalidighan Nahayiti Yiraq Sherqtiki Eldin , Zhongguodin , __ Dep Jawab Bérish Arqiliq Gabi Isimlik Bu Kishi Bilen Tonushup Qaptu Hem Gabi Bilen Kéyinki Bir Mezgillik Dostlardin Bolup Qaptu .Qelbide Qismetlerge Bay Sergüzeshtiler Chökme Hasil Qilghan Bu Kishi Özining Kechmishlirini Ehmedjan Bilen Ortaqlishiptu . U Kishining Tunji Muhebbiti Ashu Üch Tüp Berxut Derixi Tüwide Bashlan?ghan Hem Arida Yérim Yüz Yil Bu Muhebbet Wisalsiz Qalghan Iken . Gabining Söygini Wantalong Aljiriyede Sersan Bolup Yürup Ularning Yolliri Öz Aldigha Bésilghan Iken . Gabi Ehmedjan Bilen Tonushup Uzaq Ötmey Söygini ___ Wantalong Momayni Axir Tapqan Hem Ehmedjanni Öz Ichige Alghan Dostliri Qatnashqan Toyini Qilip Wisalgha Érishiptu . Epsus , Ehmedjan Aridin Ikki Hepte Ötkende Bu Dostlirini Yoqlap Barghanda Bu Ikkiylen U Alemge Ketken Bolup , Ehmedjan Ularning Qebrisige Gül Qoyup Qaytip Kelgendin Kéyin , Ashu Üch Tüp Berxut Derixi Tüwide Tenha Xiyal Sürüp Olturuptu . Taki Mushu Künlergiche Tejribidin Charchighan Chaghlirida Ashu Üch Tüp Berxut Derixi Tüwide Mengisini Dem Aldurushtin Qalmaptu . Ashu Weten?ge Bolghan Séghinishlirini Basmaqchi Bolghan Künliride Özige Teshebbuskarliq Bilen Salam Bérip Tonushqan Dostining Qebrisini Pat ? Pat Yoqlap Turidiken . U Axir Bu Dostining Kechmishlirini ? Üch Tüp Berxut Derixi ? Dégen Mawzuda Roman Qilip Yazghan Bolsimu , Tejribixanidik Aldirashliq Axirini Tügitishke Imkan Bermidi . Buning Bash Qisimi Ürümchidiki Bir Metbuatta Bölüp Élan Qilindi .
Hijran Ependining Bu Dostimizni Tilgha Alghinigha Köp Rehmet . Qérindishimiz Ehmedjan AllahTa?allah Buyrisa Bu Yil 5 ? Ayning 18 ? Küni Doktorluq Désirtatsiyesini Tamamlaydu .

[Barlas]

Ehmedjanning Photo Süretliri 2002-Yili Yaki 2003 ? Yilidiki << Shinjang Yashliri >> Journilida , Yene Birqisimliri << Asia Kindiki >> Gézitide , << Üch Tüp Berxut Derixi >> mu << Asia Kindiki >> Gézitining 2002 - Yilning Axrlirdiki We 2003 ? Yilning Sanlirida Élan Qilindi . Men Nahayiti Qiziqip Oqughan Idim .

[Muxbir]

Barlas burader, her bir jümlining bash herpini we xas isimlarning bash herpinila chong herpte yazsingiz bolatti, hemme sözning bash herpini chong qilip qandaq bésip bolghiningizgha heyranmen. Teklipim: yenila her bir jümlining bash herpi we xas isimlarning bash herpila chong yézilghini tüzük, bundaq bolghanda sür?etmu téz bolidu. Maqale-eserlerning témisi, kitablarning nami bolsa her bir sözning bash herpi chong yézilsa bolidu.

[Oyghan]

Essalam Hijran ependi (siz bilen tonushush pursiti téxi bolmighachqa eshundaq perez qilip atap turay),

Yazmiliringizni burunqidekla qiziqip oqudum. Sizde bar bolghan yéziqchiliq talanti, xushxuy mijez, tepekkür qilish we jem'iyet küzitish usuli ... qatarliqlar mendimu bolghan bolsa tolimu xushal bolghan bolattim. Men toghriliq yazghanliringizgha özemni toluq mas kélidu dep qarimisammu, töwendiki yumurluq yazmingizni körüp qaqaqlap külüp kettim:

[Hijran]

Hörmetlik Barlas ependi,
Yene nechche aydin kéyin dissértatsiye yaqlash aldida turghan Exmetjan TURSUN heqqide siz otturgha qoyup ötken toluqlimilardin méning zadila xewrim yoq idi, sizning bu toluqlimiliringizni körüp söyündim shundaqla shu burader namidim sizge bolghan teshekkürümni qobul qilishingizni iltimas qilimen, biraq bu yerde yene bir nerse bar idi, u bolsimu men éyip ötüp ketken u kishi yazghan yene bir kitap "Köp Ishlitilidighan Import Dorilar Qollanmisi", bu toghurluq bashqilardin shundaqla anglap ötüp ketken, emdilikte bu sözning heqiqiyliqigha enche ishench qilalmay yürüptimen, nawada rastinla mushundaq bir kitap bar bolsa belkim Ürümchidiki kitapxanilarning biride bolishi mümkin. Ishqilip meyli qandaqla bolmisun sizge rexmet.
Salamet bolung!

Hörmet bilen,

- Hijran

[svs]

Hijran ependim siz bizge dunyaning merkizi bolghan Firansiyede algha iltishchanliq ,sewirchanliq we kuchluk irade bilen harmay_ talmay muwapiqiyet qazinish yolida tiriship uginip uyghur jimiti uchun hesse qoshiwatqan shundaqla qoshush aldida turiwatan ezimetlerni tonushturghanliqizgha rehmet.

[Barlas]

Hörmetlik Hijran ependi, salametmusiz? Ehmedjanning ?Köp Ishlitilidighan Import Dorilar Qollanmisi? dégen kitabi Shinjang sehiye neshriyati teripidin 2003 ? yili neshir qilindi. Buningdin sirt yene ?Baron Xanim Yasimen? namliq Fransuzchidin terjime qilghan romani bar, epsus téxi neshirdin chiqmidi, Mopasangning (Mopassanning) yéngi hékayiler toplimidiki hékayilerning köp qismini terjime qilip << Asia Kindiki >> gézitide élan qildi, men Ehmedjanning gerche bir doriger bolsimu edebiyatqa bolghan bunche hérismenlikige heyranmen. Uning éytishiche u ichi pushup qalghanda edebiy eserlerni körup qoyidiken, hayajanlinip ilhami qaynighanda yézip qoyidiken .

[Nesimi]

Her qetim Uyghurlirimiz ichidin chiqqan yaki bashqa milletlerdiki netije qazanghanlar toghurluq oqighinimda bashqiche ilhamlinimen. Meyli imla xataliqi bolsun, bu maqalidinmu kup ilham aldim. Menche Hijran ependi siznig bu maqalini yizishtiki meqsidingizmu hem shu dep oylaymen.

Kitaplar arisida, yat ellerde yalghuz yurmek asan emes, bu yolni bisip tugetmekmu asan emes....

Her bir oz murad meqsidi yolida tirishiwatqan kishilernig muradigha yitishini tileymen. Ilhamlandurghichilarnig ilhamigha rehmet!

[jaghangir]

Hijranning yollighan bu Fransiyede oqughan we oquwatkqan docturllirimizning tizimliki we ularning qisqiche terjimhali bilen tonushush arqiliq, mening chushkun we miskin musapir rohimgha nahayitimu yahshi bir rohi uzuq boldi dep qaraymen,buning uchun men yollighuchigha kop teshekkurimni bildurmen, bolsa herqaysi ellerde oqughan yaki oquwatqan oghlanlirimizning terjimhali yaki ish paaliyetliri koprek tonushturulsa, bu keng oqurmenler uchun rohi uzuq we ulge bolup qalghusi dep qaraymen,bu arqiliq nurghun kesp jehette ohshashlighi bolghan kishlirmizde, bir-biri bilen uchur almashturush we ozara ogunushte chong yardimi bolamdikin dep qaraymen.

[burkut0902]

man mu qat al ga qi kip o ku gum bar kim ba ga yar dam kili du ? kim me ni u qur lar bi lan tamin lay du ? qat al da o ku sa rastin la pul qik ki tam du? me ning QQ: 2729099 me ning bi lan a la ki li xi giz lar ni u mid ki li man ! alla rah mat kil sun !

[samurai]

men dawamliq digudek wetendiki yasharning chet'elde oqush uchun uchur soroghan message lirini korup turimen. bu yashlar nimishqa chet'el tili ugunup, xenzuche tor betliridin uchur izdep kormeydighandu dep oylap qalimen. yeqinda bir nechche balini eklish niyitide oqutquchilar bilen paranglashqan idim, ularning birinchi soali chet' el tilini qanchilik bilidu digen soal boldi. noldin bashlap ugunidu digili bolmighandin keyin muwapiq jawap berip qoydum. yash dostlar nimishqa chet' el tilini ugunup andin chet'elde oqushni oylashmaysiler? xenzuche tordin nurghun uchurgha erishkili bolidu, sinap beqinglar.
silerge utuq tileymen